Avstraliyanın La Trobe Universitetinin əməkdaşı, alman tarixçi Sven Qronemeyerin dediyinə görə, 2012-ci ildə dünyanın sonu olmayacaq.
milli.az
Qədim maya təqvimində bu barədə deyilənlər isə yanlış təqdim olunub.Meksikadakı Komalkalko məbədində tapılmış daş təqvimin mənası da tam fərqlidir.Meksika Milli İnstitutunun alimləri guya mayaların qədim təqvimində bəhs olunan "2012-ci ildə dünyanın sonu" barədə məlumat almaq istəyən bulvar jurnalistlərindən artıq beziblər.Şaiyələrə son qoymaq üçün onlar Palenke şəhərində mətbuat konfransı da keçiriblər.Sven Qronemeyer konfransda çıxış edərək bildirib ki, maya hindularının qurban ayinlərinin keçirdikləri Komalkalkoda tapılmış daş təqvimin 1300 il yaşı var. Orada bir-birlərini əvəzləyən 394 illik 13 baktundan ibarət zaman axınından bəhs olunur.Son, 13-cü baktun 2012-ci ilin dekabrın 21-də başa çatır."Bu vaxt dünyanın sonu yox, mayaların qədim bərəkət və məhsuldarlıq tanrısı Bolon Yoktenin gəlişinin izharı olmalıdır", - Qronemeyer deyib.
