"Gəl evlənək" deyib üzüyü taxdı barmağıma"
Türkiyənin məşhur pop ifaçısı Ebru Polad ilk dəfə olaraq sevgilisi barədə danışıb. ANS PRESS-in məlumatına görə, bu yaxınlarda konsert proqramı ilə Avropa turuna çıxmağa hazırlaşan ifaçı ailə quracağı insan barədə maraqlı açıqlamalar verib. Konsert turuna hazırlaşan Ebru, çıxış etmək üçün Milana üz tutduğunda lazım olan sənədlərini də özü ilə götürəcəyini və məhz orada nikah tarixi tutacaqlarını vurğulayıb.
İfaçı Milanı çox sevdiyini, orada evlənib və evlilik alış-verişi edəcəyini bildirib: "Ebru Polad deyəndə kişilərin ağlına dəb və alış-veriş gəlir. Çünki geyim barədə diqqətçiləm, mütləq brend olmalıdır. Mağazalar yeni geyimləri gəldikdə ilk mənə zəng vururlar. Bu uşaqlığımdan belədir, geyimlərimə qarşı çox həssasam". Jurnalistin, "Alış-verişə nə qədər pul xərcliyirsən?" sualına isə, Ebru belə cavab verib: "Tam olaraq nə qədər xərclədiyimi demək ayıb olar, bunu açıqlamaq düzgün deyil. Amma çox deyil, iki həftədən bir mağazalara gedirəm".
Sevgilisindən ilk dəfə belə ağız dolusu danışan Ebru onunla cəmi 5-6 aydır ki, tanış olduqlarını və media nümayəndələrindən heç kimin onu tanımadığını deyib. İlk açıq şəkili isə nikahdan sonra hər kəs ilə paylaşacağını, gələcək həyat yoldaşının iş adamı olduğundan çox görünmək istəmədiyini özünün də onu göz qab ağında tutmaq istəmədiyini bildirib. Evlilik təklifindən bəhs edən ifaçı bunu gözləmədiyini və bir anda baş verdiyini deyib: "Avtomobilə mindik, əlindəki qutunu mənə uzadaraq "al" dedi. Açdım gördüm təkqaş üzük var. "Bu nədir?" deyə soruşdum, dedi ki, gəl evlənək. Mən də "Yaxşı" dediyimdən, aldı üzüyü, taxdı barmağıma".
Xatırladaq ki, bir müddət öncə Ebru Polad sevgilisinin azərbaycanlı iş adamı olduğunu və Dubayda yaşadığını açıqlayıb. Hətta sosial şəbəkədə öpüşərkən çəkilən fotolarını da yerləşdirmişdi.
