Dünyada sürətlə yayılan süni intellektli söhbət robotu ChatGPT texnologiya dünyasını çaşdırıb.
AZXEBER.COM xarici mediaya istinadən xəbər verir ki, İlon Mask OpenAI və CEO Sem Altmanı məhkəməyə verib.
Mask bildirib ki, Altman və OpenAI-nin digər qurucusu Greg Brokman əvvəlcə ona açıq mənbəli, qeyri-kommersiya şirkəti qurmaq planı ilə müraciət edib.
San Fransiskoda məhkəməyə müraciət edən Maskın vəkilləri şirkətin qazanc məqsədli addımlarının əvvəlki razılaşmalarına zidd olduğunu bildiriblər.
Həmçinin qeyd olunub ki, OpenAI-nin Microsoft ilə razılaşması və onun kommersiya məqsədli şirkətə çevrilməsi "süni intellekt missiyasına xəyanətdir”.
İlon Mask 2015-ci ildə OpenAI-nin yaradılmasında iştirak edib, lakin 2018-ci ildə şirkətdəki vəzifəsini tərk edib. Maskın bu illər ərzində şirkətə 44 milyon dollardan çox pul verdiyi bildirilir.
Sam Altman da ötən il idarə heyəti tərəfindən şirkətin mənfəət deyil, bəşəriyyət üçün süni intellekt inkişaf etdirmə missiyasını qorumaq səbəbi ilə vəzifəsindən azad edilib. Bir neçə gün sonra isə vəzifəsinə qayıdıb.
Mikayıl
