Son araşdırmalara əsasən, alimlər uşaqların doğum ayı ilə zəka səviyyəsi arasında mümkün əlaqəni araşdıraraq diqqətçəkən nəticələr əldə ediblər.
AZXEBER.COM xarici mediaya istinadən xəbər verir ki, ABŞ-də 1 milyon şagirdin məlumatları üzərində aparılan genişmiqyaslı tədqiqatlar, bəzi doğum aylarının akademik və idman uğurlarına birbaşa təsir edə biləcəyini ortaya qoyub.
Araşdırmaya görə, sentyabr ayında doğulan uşaqlar məktəb həyatında ən yüksək nəticələr göstərirlər. Bu uşaqlar orta məktəb, lisey və universitet səviyyəsində digər aylarda doğulan həmyaşıdlarına nisbətən daha yüksək qiymətlər alıblar. Alimlər bu vəziyyəti sentyabr doğumluların məktəbə digər uşaqlardan daha yetkin yaşda başlaması ilə əlaqələndirirlər.
Tədqiqat nəticələri göstərir ki, avqust ayında doğulan uşaqlar, adətən akademik baxımdan daha zəif nəticələr göstərirlər. Bu fərq, onların məktəbə daha erkən yaşda – bəzən yetkinlik səviyyəsinə tam çatmadan – başlamaları ilə izah olunur.
İdman sahəsində isə vəziyyət fərqlidir. Araşdırmalara görə, futbol və basketbol kimi idman növlərində uğur qazanan idmançıların əksəriyyəti məhz avqust ayında doğulub. Bu ayda doğulan uşaqların fiziki baxımdan daha aktiv və idmana meyilli olmaları müşahidə olunur.
ABŞ Milli İqtisadi Tədqiqatlar Bürosunun məlumatına görə, ABŞ-də uşaqların məktəbə başlama yaşı 6 olaraq müəyyən edildiyindən, sentyabr-dekabr aylarında doğulan uşaqlar məktəbə başlayanda digər həmyaşıdlarına nisbətən daha yaşlı olurlar. Bu üstünlük, onların tədrisdə daha uğurlu olmalarına səbəb olur. Tədqiqatçılar əlavə edirlər ki, payız və qış aylarında doğulan insanların yaz və yay aylarında doğulanlara nisbətən daha uzun ömür sürdükləri də statistik göstəricilərlə sübut olunub.
Bu araşdırmalar doğum tarixinin yalnız astrologiya ilə deyil, həm də insanın zehni, fiziki və sosial inkişafı ilə də sıx əlaqəli ola biləcəyini göstərir.
Oksana
