Astroloq Rəşad Hacıyev sosial media hesabında paylaşdığı açıqlamada ən çox qeybəti edilən bürcləri sıralayıb.
AZXEBER.COM xəbər verir ki, onun sözlərinə görə, bəzi bürclər daim diqqət mərkəzində olur və bu səbəbdən tez-tez qısaqnanların hədəfinə çevrilir.
Hacıyev dördüncü yerdə Əkizlər bürcünü qeyd edib. Onun sözlərinə görə, Əkizlər bürcü nümayəndələri ağıllı, çevik və situasiyalardan ustalıqla çıxma bacarığına sahibdirlər. Bu səbəbdən də tez-tez qısqanılır və barələrində qeybət edilir:
"Əkizlər həqiqətən qeybət ediləsi bürclərdəndir. Onların inanılmaz zəka və çevik düşüncə qabiliyyəti var. Hər zaman nədənsə dörd ayaq üstə düşməyi bacarırlar. Problemləri asanlıqla həll edir, insanların sevgisini qazanırlar. Bu da onları qeybət mövzusuna çevirir.”
Üçüncü yeri isə Oğlaq bürcü tutur. Astroloq bildirir ki, Oğlaqlar uğurları və məqsədyönlü davranışları ilə seçilirlər:
"Oğlaqlar uğura fokuslanan, irəliləməyə çalışan insanlardır. Başqalarının fikrindən çox öz məqsədlərinə diqqət yetirirlər. Bu isə onları bəzilərinin qısqanmasına və qeybət etməsinə səbəb olur.”
İkinci pillədə isə Əqrəb bürcü qərarlaşıb. Hacıyevin fikrincə, Əqrəblərin gücü və iradəsi onları həm diqqət mərkəzində saxlayır, həm də söz-söhbətlərə səbəb olur:
"Əqrəblər girdikləri işdə zirvəyə qalxmağı bacarırlar. Güclü, cazibədar, təsiredici və eyni zamanda soyuq görünən bu bürc nümayəndələri ətrafdakılarda həm heyranlıq, həm də qısqanclıq doğurur. Bu da onlara qarşı yayılan söz-söhbətlərin əsas səbəbidir.”
Ən çox qeybəti edilən bürc isə Şir bürcü olub. Rəşad Hacıyevin sözlərinə görə, Şir bürcü nümayəndələrinin parlaq görünüşü, uğurları və özünə inamı onları diqqət mərkəzinə salır:
"Şir bürcü parlaq, özünü göstərməyi bacaran və uğurlu insanlardır. Onlar hər zaman sevilən və şanslı olurlar. Bu da onları qısqanclıq obyektinə çevirir və haqqılarında tez-tez danışılmasına səbəb olur.”
Astroloq sonda vurğulayıb ki, bu dörd bürc təkcə qeybət edilən deyil, eyni zamanda qeybət edənlərin də diqqətini çəkən güclü xarakterlərə malikdir.
Oksana
