AZXEBER.COM Türkiyə mediasına istinadə xəbər verir ki, Avropada Çernobıldan sonra ən böyük texnogen fəlakət adlandırılan partlayışdan sonra dünyanın gözü Ukraynaya çevrilib. Bəndin partlaması nəticəsində baş verən daşqınlar nəticəsində ən azı 5 nəfərin öldüyü açıqlanıb.
Anbarın dağılması böyük humanitar fəlakətə səbəb olarkən Türkiyə Prezidenti Ərdoğan yeni təklifi ilə vasitəçi rolunu öz üzərinə götürüb. O, Rusiya Prezidenti Vladimir Putin və Ukrayna Prezidenti Volodimir Zelenski ilə telefon danışığı aparıb və partlayışla bağlı hərtərəfli araşdırmanın aparılmasının vacib olduğunu bildirib.
Ukrayna hücumun Rusiya qüvvələri tərəfindən həyata keçirildiyini bildirsə də, Rusiya bu iddianı təkzib edib. Kremlin sözçüsü Peskov Rusiyanın nəzarətində olan Xerson vilayətində Nova Kaxovka bəndinin dağılmasını Ukraynanın qəsdən törətdiyi təxribat olduğunu bildirib.
Xerson vilayətinin Hərbi Administrasiyasının rəhbəri Aleksandr Prokudin sosial media hesabından verdiyi açıqlamada seldən zərərçəkən Xerson bölgəsindəki son vəziyyəti dəyərləndirib. Suyun səviyyəsində azalma tendensiyası müşahidə olunduğunu bildirən Prokudin məlumatı paylaşaraq, "Gecə saatlarında suyun 20 santimetr aşağı düşdüyünü gördük. Səhər saatlarında bölgədə suyun səviyyəsi 5.38 metrdir. Xerson şəhərində isə 5.35 metr səviyyəsindədir”.
Prokudin bildirib ki, bölgədəki 32 yaşayış məntəqəsində 3 min 624 ev su altında qalıb, 2 min 352 nəfər və 550 heyvan təxliyə edilib.
Mikayıl
