23:00 Bazar Ertəsi, 22 Aprel 2019
KRİMİNAL

Evə basqın edən dəstəyə 17 il həbs cəzası verildi

23:46, 30.01.20198512
Evə basqın edən dəstəyə 17 il həbs cəzası verildi
Bakı Ağır Cinayətlər Məhkəməsində basqın etməkdə təqsirləndirilən Nadim Ağaxanov və Bəhruz Nurullayevin cinayət işi üzrə məhkəmə prosesi başa çatıb.

AZXEBER.COM Trend-ə istinadən bildirir ki, hakim Azad Məcidovun sədrliyi ilə keçirilən prosesdə təqsirləndirilən şəxslərə hökm oxunub.

Məhkəmə hökmü ilə N.Ağaxanov 9, B.Nurullayev isə 8 il azadlıqdan məhrum edilib.

Qeyd edək ki, həmin şəxslər 2015-ci ildən 2018-ci ilədək Qusar rayon ərazisində bir neçə quldurluq hadisəsi törədiblər.

N.Ağaxanov və tanışı, əvvəllər məhkum olunmuş B.Nurullayev 2018-ci ilin mart ayında maskalanaraq Qusar şəhər sakini Quliyev Bəhruz İskəndər oğluna məxsus evə qanunsuz daxil olub, bıçaqla ev sahibinə və ailə üzvlərinə hədə-qorxu gələrək, B.Quliyevi əlindən yaralayıblar. Həmin şəxslər evdən 500 manat pul və qızıl-zinət əşyaları aparıblar. N.Ağaxanov və B.Nurullayev digər cinayət hadisələri də törədiblər.

Onlar Qusar Rayon Polis Şöbəsinin əməkdaşları tərəfindən saxlanılıb.
XƏBƏR LENTİ