Bu ilin dekabr ayında Bakı Metropoliteni 3 qatar heyətinin alınması üçün Rusiyanın “Transmaşholdinq” şirkəti ilə müqavilə imzalayacaq.

AZXEBER.COM xəbər verir ki, bu barədə Bakı Metropolitenin rəisi Tağı Əhmədovjurnalistlərə bildirib.

Onun sözlərinə görə, bu qatarlar gələn ilin yanvar-fevral aylarında Bakıya gətiriləcək və may ayında Heydər Əliyevin anadan olmasının 91 illik yubileyi münasibətilə istifadəyə veriləcək:“Bu vaqonlar yeni Bənövşəyi xəttin “Memar Əcəmi-2” və “Avtovağzal” stansiyalarında istifadə olunacaq”.T.Əhmədov deyib ki, bu qatarlar yeni nəsil müasir standartlara cavab verən qatarlardır:“Bu vaqonlar dördüncü nəsil vaqonlardır. Bununla əlaqədar keçən ilin dekabr ayında “Transmaşholdinq”lə müqavilə bağladıq və Bakıya pulsuz vaqonlar gətirildi. Altı ay müddətində həmin vaqonlar istifadə olundu. Burada əsas məqsəd maşinistləri bu vaqonları idarə etməyə öyrətmək idi. Maşinistlər vaqonları idarəetməyi tam mənimsədikdən sonra may ayında vaqonlar geri qaytarıldı”.T.Əhmədov qeyd edib ki, gələn il də həmin vaqonlardan alınacaq və istismara veriləcək.