Bakının Suraxanı rayonunda 27 yaşlı qız dostluq etdiyi oğlan tərəfindən şantaj olunub.
Bakı şəhər sakini, 1990-cı il təvəllüdlü Şəhriyar Məmmədov 1988-ci il təvəllüdlü A. M. ilə cinsi əlaqədə olub.
Şəhriyar Məmmədovla 28 yaşlı qızın münasibəti 2015-ci ilin oktyabrından başlayıb. Təxminən bu ilin fevralın 10-dək olan müddət ərzində dəfələrlə qızla cinsi əlaqədə olan Şəhriyar Məmmədov hərəkətlərini videoya çəkib.
Şəhriyar Məmmədov sonra qızla cinsi əlaqədə olmasını ailə üzvlərinə deyəcəyi ilə hədələyib. Bundan qorxuya düşən A. M. Şəhriyar Məmmədova 10 min manat verib.
Sonradan yenidən Şəhriyar Məmmədov 28 yaşlı qızı hədələməyə başlayıb. O, yenə də qızdan pul və qızıl əşyaları verməsini tələb edib.
Amma bu dəfə qız Şəhriyar Məmmədovun barəsində hüquq-mühafizə orqanlarına müraciət etməli olub. A. M. fevralın 25-də Şəhriyar
Məmmədovun hərəkətlərindən Suraxanı Rayon Polis İdarəsinə ərizə ilə müraciət edib.
Faktla bağlı araşdırma aparılır.
///teleqraf.com
