İsrailin ötən ay öldürdüyü HƏMAS lideri Yəhya Sinvarın 3 öncədən heç bir şey yemədiyi öyrənilib.
AZXEBER.COM xarici mediaya istinadən xəbər verir ki, bu barədə Londonda nəşr olunan "Şərkul Avsat” qəzetinin adı açıqlanmayan mənbələrə əsaslanan xəbərində Sinvarın ölümünün təfərrüatları yer alıb.
Sinvarın İsrailin hücumlarına görə ailəsini daha təhlükəsiz olduğunu düşündüyü bölgəyə göndərdiyi və onlarla məktubla əlaqə saxladığı bildirilib.
Bildirilib ki, HƏMAS lideri ailəsi ilə yalnız 1 və ya 1,5 ayda bir məktubla əlaqə saxlaya bilib.
Məlumata görə, Sinvarın meyitinin 16 oktyabrda öldüyü hücumdan əvvəl 3 gün heç bir şey yemədiyi üzə çıxıb.
İsrail hökuməti tez-tez Qəzzaya gedən yardımın Həmas tərəfindən götürüldüyünü və ehtiyacı olanlara çatdırılmadığını iddia edir.
Qeyd edək ki, Sinvar oktyabrın 16-da Qəzzanın cənubundakı Rəfahda İsrail əsgərləri ilə toqquşmada həyatını itirib.
Tel-Əviv administrasiyası uzun müddətdir ki, Sinvarın Qəzzada tunellərdə gizləndiyini və israilli məhbuslardan qalxan kimi istifadə etdiyini iddia edib.
Onu da əlavə edək ki, Sinvarın yanında heç bir İsrailli məhbus olmadığı və Tel-Sultan bölgəsində bir binada bir neçə dostu ilə birlikdə İsrail əsgərləri ilə döyüşərkən həyatını itirdiyi ortaya çıxıb.
