İngiltərədə tətillərə 2 milyon dövlət işçisi qatılıb
MARAQLI
14:15 01.12.2011
1191
Dünən İngiltərədə həmkarlar ittifaqının elan etdiyi ümumilli tətil çərçivəsində paytaxt Londonda kütləvi nümayiş keçirilib. Londonun mərkəzi küçələrinə dinc yürüş həyata keçirən nümayişçilər hökumətin təqaüd yaşının artırılması təklifi, eləcə də digər sərt iqtisadi islahatlara qarşı müxtəlif şüarlar səsləndirib. Britaniya rəsmiləri dinc yürüşə 135 min dövlət qulluqçusunun qatıldığını desə də, həmkarlar ittifaqı tezliklə tətilə çıxan işçilərin 2 milyona çatacağını bildirib. Kütləvi nümayişlər insidenstiz ötüşməyib. Bir qrup etirazçı Londonun mərkəzində yerləşən Pənton Haus adlı binaya daxil olub. Əllərində müxtəlif rəngli bayraqlar və plakatlar tutan etirazçılar piləkanlara qalxaraq binanın damına çıxmağa çalışıb. Həmin qrupun arxasınca düşən polis etirazçıları damdan düşürməyi bacarıb. London Polisi ən azı 52 nəfərin saxlanıldığını xəbər verir. Bu arada ümumilli kütləvi tətil ölkənin bir sıra sosial-iqtisadi sahələrini iflic edib. Hava limanlarında işçı qıtlığı yaşandığından bir çox hava reysləri təxirə salınıb. İngiltərənin 10 mindən çox dövlət akreditasiyalı məktəbi tətillə bağlı müvəqqəti bağlanıb.
