İsrailin Rəfah və Kerem Əbu Səlim sərhəd qapılarını 13 gün bağladıqdan sonra 3 min yardım maşını Qəzzaya girə bilməyib.
AZXEBER.COM xarici mediaya istinadən xəbər verir ki, Qəzzada hökumətə bağlı Media Ofisindən verilən yazılı açıqlamada İsrailin Rəfah və Kerem Əbu Səlim sərhəd qapılarını bağlamağa davam etməsi ilə Qəzzada, xüsusilə şimal bölgələrində aclığın yenidən başladığı bildirilib.
Açıqlamada İsrailin iki sərhəd qapısını ardıcıl 13 gün bağlı saxlayaraq 3 min yardım maşınının Qəzzaya daxil olmasına mane olduğu, 690 xəstə və yaralının isə müalicə üçün xaricə getməsinin qarşısı alındığı bildirilib.
Fələstinin Qəzzada Səhiyyə Nazirliyi dünən verdiyi açıqlamada İsrailin 7 oktyabrdan bəri Qəzza zolağına təşkil etdiyi hücumlarda azı 15103-ü uşaq, 9849-u qadın olmaqla 35386 fələstinlinin həyatını itirdiyini, 1366 fələstinlinin yaralandığını açıqlayıb.
Ayşən
