İordan çayının şimalında yerləşən Cenin şəhərində İsrail əsgərlərinin açdığı atəş nəticəsində bir fələstinli jurnalist yaralanıb.
AZXEBER.COM xarici KİV-ə istinadən xəbər verir ki, İsrail ordusunun snayperi Cenin şəhərində Halil Süleyman Dövlət Xəstəxanası yaxınlığında bir qrup jurnalistə atəş açıb.
Hücum zamanı ayağından yaralanan fələstinli jurnalist Əmr Münasirə xəstəxanaya aparılıb.
Fələstin Səhiyyə Nazirliyi gecə saatlarından bəri gərginliyin ən yüksək səviyyədə olduğu Cenin şəhəri və Cenin Qaçqınlar Düşərgəsinə İsrailin hücumları nəticəsində 7 nəfərin öldüyünü, 2-si ağır olmaqla 9 nəfərin yaralandığını bildirib.
İşğal altındakı İordan çayının qərb sahili və Şərqi Qüdsdə 7 oktyabr 2023-cü ildən bu yana İsrail əsgərləri və qeyri-qanuni yəhudi məskunlaşanların hücumları nəticəsində 513 fələstinli həyatını itirib, 5 minə yaxın fələstinli isə yaralanıb.
Oktyabrın 7-dən bəri işğal altındakı İordan çayının qərb sahilində İsrail qüvvələri tərəfindən nəzarətə alınan fələstinlilərin sayı 8 min 815-ə yüksəlib.
Mikayıl
