İsrailin milli təhlükəsizlik naziri Ben-Qvir minlərlə fanatik yəhudi ilə Əl-Əqsa məscidinə hücum edib.
AZXEBER.COM xarici mediaya istinadən xəbər verir ki, Qüds İslam Vəqfləri İdarəsindən verilən açıqlamaya görə, Əl-Əqsaya basqına təxminən 2250 fanatik yəhudi qatılıb.
Bəzi fanatik yəhudilərin Məscidül-Əqsada Talmudik ayinlərini yerinə yetirərək yerə səcdə etdikləri görülüb.
Ben-Qvir də sonrakı saatlarda böyük polis qrupu ilə Məscidül-Əqsaya hücum edib.
Ben-Qvir Əqsadan videomüraciətində "Buranın idarəçiliyi və suverenliyi ilə bağlı böyük irəliləyişlər var. Görünür, yəhudilər burada ibadət edirlər. Daha əvvəl dediyim kimi, bizim siyasətimiz yəhudilərin burada ibadət etməsinə icazə verməkdir", - deyə nazir qeyd edib.
Qəzzada atəşkəs və qarşılıqlı məhbus mübadiləsi razılaşması danışıqlarına toxunan Ben-Qvir "Biz bu müharibədə qalib gəlməliyik. Qahirə və Doha danışıqlarında iştirak etməməliyik, ancaq qələbəyə nail olmalıyıq", - deyib.
Qeyd edək ki, Ben-Qvir ötən ay Netanyahunun ABŞ-yə səfəri zamanı yəhudilərin Məscidül-Əqsada namaz qılmasına icazə verdiyini demişdi.
İsrail Baş Nazirlik İdarəsindən edilən açıqlamada Ben-Qvirin əksinə olaraq, Hərəm Əl-Şərifdə status-kvonun dəyişmədiyini bildirib.
Onu da əlavə edək ki, Məscidül-Əqsa müsəlmanların ilk qibləgahı kim tanınır.
