Fransanın keçmiş prezidenti Jak Şirak korrupsiya maddəsi ilə günahkar bilinib. Paris məhkəməsi keçmiş prezidenti Paris meri vəzifəsində çalışarkən korrupsiyaya yol verməkdə ittiham edib.

Şirak "saxta iş yerləri" ilə bağlı məhkəmə işində səlahiyyətlərini aşaraq, dövlət fondundan sui-istifadə etməkdə ittiham edilib. Söhbət onun "Respublika naminə birləşmə" partiyasının üzvlərinə mövcud olmayan vəzifələrdə işləməyə görə pul ödənməsindən gedir. Jak Şiraka 2 il şərti həbs cəzası kəsilib. Bu, Fransa tarixində keçmiş dövlət başçısına oxunmuş ilk hökm olub.

79 yaşlı Jak Şirak özü hökmün oxunduğu məhkəmə iclasında iştirak etməyib. Qeyd edək ki, Jak Şirak 1977-ci ildən 1995-ci ilədək Paris meri, 1995-ci ildən 2007-ci ilədək isə Fransa prezidenti olub (anspress).