AFFA İcraiyyə komitəsinin üzvü Mahir Məmmədov milli komandamızın AÇ-2020-nin seçmə qrup mərhələsindəki çıxışı barədə fikrini bölüşüb.
Eyni zamanda Azərbaycan Şahmat Federasiyasının prezidenti olan Məmmədov xorvat baş məşqçi Nikola Yurçeviçin yığmada qalmalı olduğunu deyib
"Mən milli komandamızda böyük biabırçılıq, bədbinlik görmədim. İstəməzdim Yurçeviçi bir tsikldən sonra göndərək, imkan verək, bir az işləsin. Hələ indi komandanı tanımağa başlayır. Azərbaycanda həddən artıq futbolçular yoxdu ki, deyək, Yurçeviç gəldi, bizi bu günə qoydu. Əfsuslar olsun ki, vəziyyət belədir. Bir də mən başa düşə bilmirəm, Azərbaycan hansı amillərə görə Uelsə qalib gəlməlidir? Mənə bir dənə də dəlil göstərə bilməzsiz. Əslində baş verənlər qüvvələr nisbətini real və obyektiv əks etdirir" ("Futbol+" qəzeti).
