Meksikanın Gerrero əyalətində güllələndiyi müəyyən edilən 10 nəfərin cəsədi tapılıb.
AZXEBER.COM xarici mətbuata istinadən xəbər verir ki, Gerrero əyalətinin İctimai Təhlükəsizlik Katibliyindən verilən açıqlamada, Akapulko şəhərində çoxlu cəsədin tapıldığı bildirilib.
Açıqlamada hadisənin mütəşəkkil cinayətkar qruplaşmalar tərəfindən törədildiyi vurğulanıb.
Təhlükəsizlik qüvvələri şübhəlilərin tapılması üçün araşdırmalara başlayıb.
Sakit okean sahilində yerləşən Akapulko şəhəri narkotik ticarəti üçün tranzit məntəqə hesab olunur.
2023-cü ildə Gerreroda zorakılıqlar nəticəsində 1890 nəfər ölüb.
Mikayıl
