Messinin "Kamp Nou”ya son baxışı gündəm olub.
AZXEBER.COM "Guardian"a istinadən xəbər verir ki, dünyaca məşhur argentinalı futbolçu Lionel Messinin "Barselona”dan ayrılması kataloniyalar arasında ciddi etirazlara səbəb olub.
13 yaşından "Barselona”da oynayan və bu klubun ən böyük yetirməsi olan Messi mətbuat konfransında verdiyi açıqlamada göz yaşlarına hakim ola bilməyib. 34 yaşlı futbolçu bu ayrılığa hazır olmadığını deyib:
"Heç vaxt əlvida deməyəcəyəm. Belə düşünmədim, düşünə də bilmərəm. Ayrılmağa hələ hazır deyiləm.”
Mətbuat konfrasından sonra klubdan ayrılan futbolçunun avtomobilindən "Kamp Nou”ya baxışı sosial şəbəkələrin əsas müzakirə olunan mövzularından biri olub.
Qeyd edək ki, futbolçunun Paris təmsilçisi PSJ-yə transfer olunduğu bildirilir.
Mikayıl Mirzəzadə
