İsrail ordusu Fələstinlə müharibəyə ultra-pravoslav icmasından kişiləri, eləcə də ehtiyat əsgərləri cəlb etməklə öz sıralarını gücləndirməyi hədəfləyir.
AZXEBER.COM xarici mediaya istinadən xəbər verir ki, İsrail oktyabrın 7-də Qəzzaya hücumlara başlayıb və müharibə aylarla davam edir və bu, İsrail ehtiyat əsgərlərinin xidmətə çağırılmasını zəruri edib.
Artıq 11-ci ayına qədəm qoyan müharibə İsrailin gücünü məhdudlaşdırır.
Ekspertlər hesab edirlər ki, İsrail münaqişənin uzanmasına və daha genişmiqyaslı regional müharibəyə çevrilməsinə hazır deyil.
Ordu əvvəlcə 1200 ultra-pravoslav əsgəri hərbi xidmətə çağırıb. Qarşıdakı həftələrdə 3 min ultra-pravoslav tələbənin bildiriş alacağı gözlənilir.
Sürətlə böyüyən ultra-pravoslav icmasının liderləri deyirlər ki, seminariya tələbələrini dünyəvi israillilərlə, o cümlədən qadınlarla birlikdə hərbi xidmətə məcbur etmək dini yəhudi kimliklərini məhv etmək riski daşıyır.
Dini zəmində hərbi xidmətdən imtina edənlər 9 milyonluq ölkədə əhalinin təxminən 12 faizini təşkil edir.
Mikayıl
