Müşfiqin heykəlini sökdürən keçmiş sədr: Saleh Məmmədov hansı qalmaqalla yadda qaldı?
SOSİAL
00:19 07.02.2026
1592
Müxtəlif dövrlərdə çıxışları və qərarları ilə gündəmə gələn keçmiş AAYDA sədri 2017-ci ildən bu vəzifəni icra edirdi. Dəfələrlə istefa verəcəyi ilə bağlı xəbərlər yayılsa da, S.Məmmədov təxminən doqquz il postunda qala bildi.
AZXEBER.COM xəbər verir ki, S.Məmmədov vəzifəyə yeni təyin olunduğu 2017-ci ildə geniş ictimai rezonans doğuran qalmaqallı hadisə ilə gündəmə gəlmişdi.
Həmin il paytaxtın İnşaatçılar prospektində, "Statistika dairəsi” adlanan ərazidə yerləşən, qırmızı bolşevik terrorunun qurbanı olmuş görkəmli Azərbaycan şairi Mikayıl Müşfiqin heykəlinin sökülməsi cəmiyyətdə ciddi narazılıq yaratmışdı.
Hadisəyə ilk sərt reaksiya verənlərdən biri Lomonosov adına Moskva Dövlət Universitetinin Bakı filialının rektoru, AMEA-nın müxbir üzvü, professor Nərgiz Paşayeva olmuşdu. O, baş verənləri vandalizm və barbarlıq kimi qiymətləndirmişdi.
Qalmaqaldan qısa müddət sonra müsahibə verən S.Məmmədov isə böyük səhvə yol verdiyini etiraf etmişdi. Keçmiş sədr "Bəli, səhv etmişik, yanlış qərar verilib. Bu işdə günahı olan şəxslər cəzalandırılıb. Tezliklə görkəmli şairimizin abidəsi yenidən ucaldılacaq” deyərək məsələyə aydınlıq gətirməyə çalışsa da, hadisə uzun müddət ictimai müzakirələrin mərkəzində qalmışdı.
OXŞAR XƏBƏRLƏR
ƏN SON XƏBƏRLƏR
