Türkiyənin mədəniyyət və turizm naziri Ərtuğrul Günay iştirak etdiyi sərgiyə baxmazdan əvvəl Hakkari bölgəsində 26 əsgərin şəhid olması ilə nəticələnən PKK hücumuna münasibət bildirib. “Bu insanlar nə etməyə çalışırlar? Əsgərə, polisə, qadına, uşağa silah çəkən insanlar nə etmək istəyirlər? Necə bir dünya qurmaq istəyirlər? Bu müasirlikdən uzaq bir anlayışdır. Hələ də silahla adam öldürməklə nəticə əldə etmək istəyirlər. Bu, bəşəriyyətə, insanlığa qarşı böyük bir cinayətdir”, - deyə nazir deyib.Bu sözləri söylədikdən sonra Ərtuğrul Günay göz yaşlarını tuta bilməyərək ağlayıb.