Açılışı olacaq heykəl isə aşaraq sınıb
Türkiyənin Avropa Birliyi məsələləri üzrə dövlət naziri Egemen Bağış hücuma məruz qalıb. Hadisə İzmir şəhərindəki “Egey” universitetində Nina Hole adlı danimarkalı heykəltəraşın hazırladığı abidənin açılşında baş verib. Məlumata görə, açılış zamanı universitetin jurnalistika fakultəsinin I kurs tələbəsi olan iki nəfər nazirə yumurta atmağa başlayıb. Atılan yumurtalardan biri nazirin sağ gözünün altına dəyib. Zərbə nəticəsində Egemen Bağışın gözünün altı göyərib, danimarkalı ustanın 3 aya hazırladığı heykəl isə aşaraq sınıb. Xatırladaq ki, nazir Egemen Bağış bu ilin oktyabr ayında da Ankara universitetində tələbələrin yumurtalı hücumuna məruz qalmışdı.
