Ağ ev prezident Barak Obamanın tüfənglə olan şəklini internetdə yayıb. Administrasiya bu şəkildə Obamın nə vaxtsa odlu silah istifadə edib-etməməsi barədə debatlara son qoymağa çalışır.Bu şəkil keçən ilin avqust ayında çəkilib. Şəkildə B.Obama gündəlik geyimdə və qara eynəkdə görünür. Foto prezidentin Kemp-Devid iqamətgahında çəkilib.Hazırda Obama ölkə üzrə səfərinə hazırlaşır. Səfər zamanı Obamanın ölkədə böyük narahatlığa səbəb olan silah dövriyyəsinə nəzarətin gücləndirilməsinə dair planlarını müdafiə edəcəyi gözlənilir.Eyni zamanda Amerika dövlət başçısı "New Republic" dərgisinə müsahibəsində deyib ki, Amerikanın ovçuluq ənənəsinə böyük hörmətlə yanaşır.
