Xalq artisti Nazpəri Dostəliyeva bu gündən sonra yalnız sosial verilişlərə qatılacağını açıqlayıb.
AZXEBER.COM Axşam.az-a istinadən xəbər verir ki, müğənni bu dəfə "Səni axtarıram" proqramında qonaq olub. Dostəliyeva ötən il dünyasını dəyişən oğlu Əlidən danışıb.
O, övladının son sözünü xatırlayaraq bunları söyləyib:
"Son nəfəsində iki kəlmə söz dedi. Başını qucağıma aldım və sığalladım. Həkim dedi ki, dəyməyin, son sözünü desin. Dedi ki: haqqını halal et, sən mənə çox əziyyət çəkdin. Bir də onu dedi ki, səni sevənlərin gözünü yolda qoyma".
