Uelsdə maraqlı oğurluq hadisəsi baş verib.
AZXEBER.COM xarici mediaya istinadən xəbər verir ki, oğru əvvəlcə evinə girdiyi qadının paltarlarını asıb, onun alış-veriş etdiyi paketləri şkafa yığıb, sonra isə özünə şam yeməyi düzəldib.
Gedərkən yazıb qoyduğu məktubda isə "Narahat olmayın, xoşbəxt yaşayın, buyurun yeyin” sözlərini qeyd edərək evi tərk edib.
Qadın bu hadisədən sonra evdə qalmaqdan qorxduğunu və bir müddət rəfiqəsi ilə yaşadığını bildirib.
Həmin oğru iyulun 29-da daha bir evdə oğurluq edib. Ev sahibi mobil telefonuyla idarə etdiyi təhlükəsizlik kamerası vasitəsilə ilə oğrunun bağda gəzdiyini görüb.
O, yenə həmin qaydada bu dəfə yuyunub, ev sahibinin paltarlarını yuyub, yemək yeyib və içki içib.
Oğrunun evdə olduğunu anlayan ev sahibi kürəkənini evə göndərib.
Vojniloviç əlində stəkanla sərxoş halda evi tərk etsə də, bu dəfə ələ keçib və həbs edilib.
Məhkəmədə Vojniloviçin evsiz qaldığı və çətin günlər keçirdiyi, eyni zamanda zərərçəkənlərdən üzr istədiyi bildirilib.
