"ABŞ dollardan silah kimi istifadə edir, BRİKS-in isə öz milli valyutasının istifadəsini asanlaşdırmaq imkanları var”.
AZXEBER.COM xarici mediaya istinadən xəbər verir ki, bu sözləri İran prezidenti Məsud Pezeşkian Tatarıstan Respublikasının paytaxtı Kazanda keçirilən 16-cı BRİKS Liderlər Zirvə toplantısının dar iclasında çıxışında deyib.
Pezeşkian qeyd edib ki,"Dünya BRİKS-i dolların gücünü zəiflədəcək və milli valyutaları dövriyyəyə buraxacaq bir təşkilat kimi tanıyır. BRİKS-ə üzv ölkələr enerji, ərzaq məhsullarının ən böyük istehsalçısı və istehlakçısıdır. Həmçinin lazımi nəqliyyat və tranzit xətlərinin olması milli valyutalardan istifadəni asanlaşdırır”
Xatırladaq ki, Braziliya, Rusiya, Hindistan, Çin və Cənubi Afrika Respublikası kimi ölkələrlə yanaşı, İran, Misir, Efiopiya və Birləşmiş Ərəb Əmirliklərinin (BƏƏ) iştirakı ilə bu il BRİKS üzvlərinin sayı 9-a yüksəlib.
Cəmalə
