Azərbaycan Premyer Liqasının IV turunun növbəti oyununda "Qarabağ"la "Zirə" komandaları qarşılaşıb.
AZXEBER.COM xəbər verir ki, "Azersun Arena"da təşkil olunan görüşdə qalib müəyyənləşməyib - 1:1.
Baş hakim Rəşad Əhmədovun idarə etdiyi matçda hesabı qonaqların futbolçusu Ruan Renato açıb. O, 39-cu dəqiqədə penaltidən fərqlənib.
Ağdam təmsilçisindən isə Kadi Borges 82-ci dəqiqədə adını tabloya yazdırıb.
Bu nəticədən sonra "Zirə" xallarının sayını 8-ə çatdıraraq ikinci pilləyə yüksəlib. "Qarabağ" 4 xalla 5-cidir.
Qeyd edək ki, tura sentyabrın 14-də yekun vurulacaq.
