"Akıncı PUA" İran Prezidenti İbrahim Rəisini daşıyan helikopterin aşkarlanmasını uğurla başa çatdırıb.
AZXEBER.COM Türkiyə mətbuatına istinadən xəbər verir ki, bu inkişafdan sonra İran mediası vertolyotun yerini təyin edən Akıncı İHA-nın ölkənin hərbi obyektləri və raket mərkəzləri üzərindən uçduğunu bildirərək Türkiyəyə qarşı yeni bir zəiflik yarandığı tezisini gündəmə gətirməyə başlayıb.
İran mediası qəzaya uğrayan helikopterin yerini müəyyən etmək üçün ölkəyə uçan Akıncı PUA-nın ölkənin hərbi obyektləri və raket mərkəzləri üzərindən uçduğunu iddia edib. Təhdid olaraq istifadə edilən raketlərin yerindən narahat olan İran mediası bunu "Türkiyə qarşısında zəiflik” kimi qələmə verir.
Baykar İdarə Heyətinin sədri Selçuk Bayraktar missiyasını başa vuraraq Türkiyəyə qayıdan Akıncı İHA ilə bağlı sosial media hesabında bunları paylaşıb:
"Vətəninizə xoş gəlmisiniz, Bayraktar Akıncı. İran xalqının tezliklə sağalmasını arzu edirəm".
İran dövlət televiziyası qəzanın Rəisiyə məxsus helikopterin bölgədən qayıdarkən sərt eniş edərkən baş verdiyini bildirib.
Xarici işlər naziri Hüseyn Əmir Abdullahiyan vertolyotda Şərqi Azərbaycan əyalətinin valisi Malik Rəhməti və Təbriz cüməsi İmam Ayətullah Əli Haşimin də olduğunu açıqlayıb.
Axtarış-xilasetmə qrupları əlverişsiz hava şəraiti səbəbindən işlərin çətinliklə davam etdiyini bildirib və İran havadan axtarış aparmaq üçün Türkiyədən pilotsuz uçuş aparatı (PUA) istəyib.
