23:47 şənbə, 26 May 2018
DÜNYA

Rusiyada yanğında ölən azərbaycanlıların adları məlum oldu

11:28, 13.02.2018597
Rusiyada yanğında ölən azərbaycanlıların adları məlum oldu
Rusiyanın Orenburq şəhərində baş verən güclü yanğın nəticəsində bir ailədən dörd nəfər ölüb, beş nəfər xəsarət alıb. Onların hamısı azərbaycanlı olub.

AZXEBER.COM-un Report-a istinadən məlumatına görə, ilkin məlumatlara əsasən, yanğın zamanı Rusiya və Azərbaycan vətəndaşları - Hətəm Quliyev (1980-ci il təvəllüdlü), Leyla Quliyeva Hətəm qızı (3 yaş), Eysavar Quliyev Hətəm oğlu (6 yaş) və Əmrah (45-46 yaş) ölüb.

Sevinc Quliyeva Zaur qızı (8 yaş), Aytən Quliyeva Eysavar qızı (19 yaş), Sədaqət Quliyeva Eysavar qızı (1992-ci il təvəllüdlü), Sevinc Quliyeva Şiraslan qızı (1969-cu il təvəllüdlü), İzzət Quliyeva (82 yaş) yanıq xəsarətləri alıblar.

Yanğın binanın 9-cu mərtəbəsindəki mənzildə baş verib. İlkin məlumatlara görə, yanğın təxminən 10 kvadratmetr sahəni əhatə edib.

Yanğın məişət zəminində ailə münaqişəsi nəticəsində baş verib. Sədaqət Quliyeva mənzildə olanların və özünün üstünə benzin tökərək yandırıb.

Şəhərin tibb məntəqəsinə yeddi nəfər, o cümlədən üç azyaşlı uşaq göndərilib. Amma Leyla və Eysavar Quliyevlər xəstəxanaya gedərkən təcili tibbi yardım maşınında keçiniblər. Dörd qadın və səkkiz yaşlı qız uşağı Orenburq şəhər xəstəxanasında ağır vəziyyətdədir.

Sədaqət Quliyevanın bədənin 95%-i yanıb.

Faktla bağlı cinayət işi açılıb.

XƏBƏR LENTİ