15:43 Cümə Axşamı, 18 Yanvar 2018
SİYASƏT

Rusiyadan Azərbaycanla bağlı qərəzli hesabata görə ABŞ-a etiraz: "Bu cəfəngiyyatdır"

17:34, 12.01.2018676
Rusiyadan Azərbaycanla bağlı qərəzli hesabata görə ABŞ-a etiraz:

Rusiya ABŞ Dövlət Departamentinin Azərbaycanı terror riski olan ölkələr kateqoriyasına daxil etməsinə görə rəsmi reaksiya verib.


AZXEBER.COM xəbər verir ki, Rusiya XİN-nin sözçüsü Mariya Zaxaraova ölkəmizin ABŞ-da nədənsə qıcıq yaratdığını dilə gətirib: "Müxtəlif kütləvi tədbirləri, o cümlədən idman tədbirlərini uğurla keçirən ölkələr, nədənsə, Dövlət Departamentində qıcıq yaradır. Bu hesabatları yazan insanlar, görünür, heç vaxt Bakıda olmayıblar. Özüm şəxsən dəfələrlə Bakıda olmuşam və hər dəfə ora məmnuniyyətlə gedirəm. Bakının tarixi mərkəzi - görməli yerləri, muzeyləri, parkları tamamilə təhlükəsizdir və turistlər arasında böyük marağa malikdir. Deyilənlər, sadəcə, cəfəngiyyatdır".


Qeyd edək ki, dünən ABŞ Dövlət Departamenti amerikalı turistləri xarici ölkələrə səfər zamanı təhlükəsizlik riskləri haqqında məlumatlandırmaq üçün yeni sistem işə salıb. Bu sistemi yaratmaqda məqsəd ABŞ vətəndaşlarının ölkə xaricində müdafiəsini gücləndirməkdir. Azərbaycan amerikalı turistlərin təhlükəsizliyi baxımından risk olan dövlətlər arasında ikinci kateqoriya ölkələr siyahısına daxil edilib.

0
XƏBƏR LENTİ