Qarşısına Türkiyəni fəth etməyi məqsəd qoymuş Röyanın fanatlarına şad xəbər var.AZXEBER.COM-un məlumatına görə, populyar müğənni haqqında çəkilən film tezliklə tamaşaçıların ixtiyarına veriləcək. Röyanın ən sadiq fanatları tərəfindən ərsəyə gətirilən film "Ucalan səs" adlanır. Film Röyanın səhnə fəaliyyətindən bəhs edir. Filmdə bir çox tanınmış simaların, eləcə də xalq artisti Zeynəb Xanlarovanın müğənni haqqında fikirləri səsləndirilib.Filmin ssenari müəllifi və quruluşçu rejissor Elçin Elxanlı, quruluşçu operatoru Hüseyn Bağırov, prodüseri Kənan Bayramov, icraçı prodüseri Könül Qasımova, montaj Elçin Elxanlı və Cahid Hacıyev, rejissor assistentləri Tural Manaflı və Orxan Bayramov, arxiv Teymur Məmmədovdur.