Gürcüstanın Zuqdidi şəhərində ölkə prezidenti Mixail Saakaşvilinin istefa verməsi tələbi ilə aksiya keçirilib. Müxalifət aksiyasında Zuqdididən və ətraf şəhərlərdən 2000-ə yaxın insanın iştirak etdiyi bildirilir.Aksiya fəalları Saakaşvilinin siyasətini tənqid ediblər və prezidentin “simvolik dəfn mərasimini” də keçiriblər.Müxalifət tərəfdarları çiyinlərində boş tabut gəzdiriblər. “Biz öz etirazımızı belə ifadə edirik. Saakaşvili Gürcüstana o qədər pislik edib ki, biz onu dəfn etmək qərarina gəldik”. - etirazçılar belə deyiblər.