Aşura günü (Məhərrəm ayının 10-u) Miladi təqvimi ilə dekabrın 16-na təsadüf edir. Məhərrəm ayı Miladi təqvimi ilə 2011-ci il yanvarın 5-də, Səfər ayı isə fevralın 4-də başa çatır. Qafqaz Müsəlmanları İdarəsinin (QMİ) mətbuat xidmətinin rəhbəri Rəhimə Dadaşova APA-ya bildirib ki, Məhərrəm ayının 10-cu gününə (Aşura) qədər QMİ-nin Qazılar Şurasının peyğəmbərin sevimli nəvəsi İmam Hüseynin şəhid olduğu hüznlü Məhərrəm ayı ilə bağlı fətva verəcəyi gözlənilir. Qeyd edək ki, Məhərrəm Hicri-qəməri təqvimi ilə islam dininin birinci ayıdır.
Bu ayın Aşura günündə İmam Hüseyn və yaxınları Yəzid ibn Muaviyyənin qoşunları tərəfindən qətlə yetirilib. İmam Hüseynin qırx mərasimi 2011-ci il yanvarın 25-nə təsadüf edir.
