Səhər saatlarında meydana gələn avtobus qəzasında yaralanan 17 sərnişindən biri dünyasını dəyişib.
AZXEBER.COM Türkiyə mediasına istinadən xəbər verir ki, hadisə Türkiyənin Afyonkarahisar bölgəsində baş verib.
Əldə edilən məlumata görə, sərnişin avtobusu suvarma borusu ilə yüklənmiş yük maşını ilə toqquşub.
İlkin məlumata görə, qəza nəticəsində 3-ü ağır olmaqla 17 nəfər xəsarət alıb. Hadisədən sonra ətraf ərazidəki insanların xəbəri ilə əraziyə çoxlu sayda Təcili Yardım qrupları göndərilib.
Yaralılar xəstəxanalara çatdırılıb.
Xəstəxanaya aparılan yaralılardan Şükrü A. adlı şəxs bütün müdaxilələrə baxmayaraq xilas ola bilməyib və həyatını itirib.
Qəza ilə bağlı polis tərəfindən araşdırma başladılıb.
Oksana
