Azərbaycanlı stilist Samiraldo (Samir Əliyev) qız axtarışına çıxıb.
O, 2 ilə evlənmək istədiyini deyib.
AZXEBER.COM-un məlumatına görə, SİA-ya açıqlama verən Samiraldo toyunun Azərbaycanda olmayacağını da dilə gətirib: “Uzun zaman idi ki, ev almaq arzusu ilə yaşayırdım. Artıq bu istəyimi nail olmuşam. İndi də düşünürəm ki, bir az pul yığıb ailə qurmalıyam. Çünki artıq tək qalmaqdan bezmişəm. Amma nəzərinizə çatdırım ki, nigah mərasimimi Azərbaycanda yox Avropada edəcəm. Eyni zamanda mənim evlənməyimdən heç kimin xəbəri belə olmayacaq. Bütün bunlara səbəb həmkarım Balaşın toyuna gedəndə qınamışdılar. İndi də fikirləşirəm ki, öz toyum olsa daha çox qınaq obyektinə çevirərlər. Onu da deyim ki, heç kəs istəməzki qızı bədbaxt olsun. Odur ki, gələcək həyat yoldaşımı incidəcək söz-söhbətlərin yaranmasına imkan vermərəm. Qeyd edim ki, 2 ilə ailə həyatı quracam”.
