Donald Trampa dəstək verən amerikalı milyarder iş adamı İlon Maskın Rusiya lideri Vladimir Putinlə mütəmadi olaraq gizli görüşdüyü iddia edilib.
AZXEBER.COM xarici mediaya istinadən xəbər verir ki, ABŞ-nin "Wall Street Journal” (WSJ) qəzetinə danışan mənbələr Mask və Putinin müntəzəm, gizli əlaqə saxladığını iddia edib.
Mənbələr ikilinin geosiyasət, biznes və şəxsi məsələlər də daxil olmaqla bir çox mövzuda fikir mübadiləsi apardığını yazıb.
Məlumata görə, hazırkı administrasiyadan bəzi məmurlar, Maskın ABŞ-ylə bağlı gizli məlumatlara çıxışı olduğu üçün bu təmasların təhlükəsizlik problemi yaratdığı fikrini bölüşür.
Qeyd edək ki, bir müddət öncə İlon Mask Putinlə kosmosla bağlı yalnız bir dəfə görüşdüyünü və bunun 2021-ci ilin aprelində baş verdiyini açıqlayıb.
