Londondan Sinqapura uçan Sinqapur Hava Yollarına məxsus sərnişin təyyarəsində yaranan turbulentlik nəticəsində dünyasını dəyişən şəxsin 73 yaşlı rejissor olduğu açıqlanıb.
AZXEBER.COM Qərb KİV-ə istinadən xəbər verir ki, Londondan Sinqapura uçan 211 sərnişin və 18 ekipaj üzvü olan təyyarənin turbulentliyə girməsi nəticəsində 1 sərnişin ölüb, 30-dan çox sərnişin yaralanıb.
Təcili eniş edən təyyarədə təhlükəsizlik kəməri taxmayan bəzi sərnişinlər turbulentlik zamanı başlarının tavana dəyməsi nəticəsində ağır yaralanıb.
Adı açıqlanmayan təyyarənin pilotu son vaxtlar bölgədə çoxlu ildırım hadisəsi baş verdiyini bildirib.
Tailand səlahiyyətliləri, ölən 73 yaşlı Britaniya vətəndaşı Cefriy Kitçenin ürək problemi olduğunu və çox güman ki, infarktdan öldüyünü açıqlayıb.
Qəzadan sonra rejissorun həyat yoldaşı da xəstəxanaya yerləşdirilib.
Məlumat üçün qeyd edək ki, qəza zamanı Myanmanın cənub bölgələrində hava fırtınalı görünüb və Boeing 777 tipli təyyarənin hündürlüyünü itirdiyi ərazidə tez-tez ildırım çaxması müşahidə edilib.
Mikayıl
