Türkiyədə qeyri-adi hadisə baş verib. ANS PRESS-in türk mətbuatına istinadən verdiyi məlumata görə, Kahramanmaraş şəhərində mavi gözlü olaraq doğulan və uzun illər belə yaşayan uşağın göz rəngi bir gecədə dəyişib. Mehmet adlı uşağın sol gözünün rəngi dəyişərək qəhvəyi olub.Valideynlərinin sözlərinə görə, Mehmet körpə olarkən xəstəlik keçirib və bundan sonra onun eşitmə və danışma qabiliyyəti itib. Uşağının Van pişiyinə oxşadığını deyən ata bildirib ki, onu görənlər göz rənginin dəyişikliyindən təəccübləniblər.Mütəxəssislər isə göz rəngi dəyişməyin çox nadir müşahidə edilən hadisələrdən olduğunu deyirlər. Həkimlər bu prosesin dərin araşdırma tələb etdiyini qeyd ediblər.Qeyd edək ki, Türkiyənin Van bölgəsinə xas olan pişik gözü fərqli rənglərlə məşhurdur.
