Türkiyə şou-biznesində bu gün də məşhur olan qadın səntçilərin bir çoxunun "Uşaq gəlin" olduğunu bilirdinizmi?

AZXEBER.COM mahnıları dillər əzbəri olan həmin türkiyəli sənətçilərin araşdırmasını təqdim edir:

 

Ötən il vəfat edən Yeşilçamın parlaq ulduzu Ahu Tuğba ilk evliliyini 13 yaşında Mehmet Ulusoyla edib. Bir il sonra boşanan aktrisa daha sonra iki dəfə ailə həyatı qurub.

Bəyaz pərdənin daha bir uğurlu aktrisası Müjde Ar 21 yaşındaykən rejissor Samim Değerlə ilk evliliyini edib. Lakin bu evlilik uzun sürməyib. 

Tanınmış aktrisa və müğənni Yeliz Yeşilmen də 21 yaşında gəlin olan məşhurlardandır. Bu hadisənin onun hafizəsində dərin travmalar yaratdığını etiraf edən Yeşilmen erkən evliliyin atasının qərarı olduğunu bildirib. O, yaşadıqlarını bu sözlərlə dilə gətirib:  

"Gözəl və cazibədar olduğum üçün evə məktublar və səssiz telefon zəngləri gəlirdi. Atam da qorxurdu. Ona görə məni 3 gün içində tanımadığım bir ailəyə gəlin verdi. Həyatımın ən ağır travmasın idi. Yaxşı oxumağıma baxmayaraq təhsil həyatım bitdi".

Safiye Soyman 1974-cü ildə 13 yaşında ikən Ziya Akarözlə nikah masasına oturub. 1985-ci ildə boşanan cütlüyün Harun adlı oğlu var idi. Müğənninin 52 yaşlı oğlu ötən ilin yazında ağır xəstəlikdən dünyasını dəyişib. 

İlk evliliyini 19 yaşında Mustafa İmre ilə edən Yeşim Salkımın bu evlilikdən Gizem adlı qızı var. Müğənni bu günə qədər 5 dəfə rəsmi şəkildə ailə qurub. 

"Mavi boncuk" Hülya Avşar da 16 yaşında ailə qurub. Onun ilk evliliyi Mehmet Tecirli ilə olub. Bu nikahdan övlad sahibi olmayan Avşar 34 yaşında Kaya Çilingiroğlu ilə ailə həyatı qurub və Zehra adında bir qızı var. 

Əsl adı Hatice Yıldız Levent olan arabesk musiqisinin güclü səslərindən Muazzez Ersoy ilk evliliyini 16 yaşında edib. İki il evli qalan sənətçinin Ender adlı oğlu var. 

Ozan Orhonla 19 yaşında ikən ailə quran aparıcı, model Ebru Şallının ailə həyatı isə 2 il davam edib. 

Yeddi dəfə rəsmi şəkildə ailə quran Seda Sayan ilk dəfə 23 yaşında ailə həyatı qurub. O, ilk dəfə 1987-ci ildə Rıdvan Kılıç ilə rəsmi şəkildə ailə qurub. Elə həmin ildə də ərindən boşanan sənətçi 1990-cı ildə Sinan Enginlə ikinci dəfə evlənib. 1995-ci ildə boşanan cütlüyün Oğulcan adlı oğlu var. 

 

Aysel Hacızadə