Vaqif Cavadov: "Manikür və pedikür – nəinki futbolçu, həm də bütün kişilər üçün normaldır"

Müsahibədən maraqlı hissələri təqdim edirik:

- Formal olaraq Rusiyaya Hollandiyadan gəlmisiniz. "Tvente"yə necə düşmüşdünüz?

- Bu, 2009-cu ildə, "Qarabağ"da oynayanda olmuşdu. Stiv Maklaren Avropa Liqasının oyunundan sonra mənə yaxınlaşıb dedi ki: "İstəyirəm, bizim komandaya keçəsən, fikirləş". Əlbəttə, mənə çox xoş idi. Adama hər gün İngiltərənin keçmiş baş məşqçisi yaxınlaşıb belə təklif etmir.

- Onun nüfuzu sizi sıxmırdı ki?

- Yox. O, məşqçidir. Nəinki yaxşı məşqçi, həm də yaxşı dostdur.

- Necə yəni?

- Biz onunla sakitcə çay içib nələrisə müzakirə edə bilərdik. Bu, çox vacibdir.

- Hollandiyadakı yaşayışınız necə idi?

- Elə ilk gün fikir verdim ki, orada camaatın vecinə deyil, sən kimsən, nəyin var, nəyin yoxdur, nə geyinirsən, telefonun hansı firmanındır. Bu, normal həyat üçün əla şərait deməkdir.

- Hər şeyin başqa cür olması sizi əsəbiləşdirirdi?

- Yox, deməzdim. Orada hamı velosipedlə gəzir. Mənə isə velosipeddə uzun yol qət eləmək çətindir. Axşam 6-dan sonra mağazaların hamısı bağlanır. İstirahət günləri acından ölməmək üçün gərək cümə günü bazarlıq edəsən.

- Yəni oradakı ilk günlərdə ac qalmısınız?

- Yox, acından ölmədim, hansısa ərzaq var idi. Amma çörək yox idi. Mən hər yeməyi çörəklə yeməyə öyrənmişəm. İki gün isə onu heç yerdə tapa bilmədim.

- Deyə bilərsinizmi, Hollandiya çempionatında homoseksualistlər var?

- Nə bilim, mən onlarla dostluq etmirəm. Amma bu o demək deyil ki, onlara pis münasibət göstərirəm. Sadəcə, onlar məni maraqlandırmırlar və mən onları başa düşmürəm.

- Holland futbolçular öz xarici görkəmlərinə başqalarından daha çox fikir verirlər...

- Krem, duş geli, manikür və pedikür – nəinki futbolçu, həm də bütün kişilər üçün normaldır.

- Siz manikür və pedikür edirsiniz?

- Futbolçuya bunları etmək vacibdir. "Tvente"də hər çərşənbə axşamı xüsusi usta gələrək hamıya manikür və pedikür edirdi. Mən həmişə öz dırnaqlarıma nəzarət etmişəm, indi isə bir az da diqqət yetirirəm.

- Bu il Berti Foqts sizi millinin məğlubiyyətindən sonra gülməkdə ittiham etdi. Bu necə olmuşdu?

- Ona səhv məlumat çatdırıblar. Soyunma otağında mən Foqtsun yanında idim, özüm də susurdum. Sonra zəngləşdik, yoluna qoyduq.

- Deyirlər ki, Azərbaycan və Özbəkistan futbolçuları pasportlarında doğum günlərini dəyişdirirlər.

- Hə, bu, bütün dünyada var. Bizim ölkədə bunu tapıb, həmin adamları cəzalandırırlar. Yəni onları futboldan müəyyən müddətə kənarlaşdırırlar. Mənim isə gizlətməyə məlumatım yoxdur. 22 yaşım var.

- "Volqa"da özünüzü necə hiss edirsiniz?

Vaqif Cavadov: "Manikür və pedikür – nəinki futbolçu, həm də bütün kişilər üçün normaldır" - MÜSAHİBƏ