Almaniyada “Uniklinika”da yenidən müalicəyə başlayan teleaparıcı Hacı Nuran Hüseynovun vəziyyəti pisləşib.
AZXEBER.COM xəbər verir ki, teleaparıcı “Facebook” profilində xəstəliyinin hər gün daha da irəlilədiyini bildirib:
“Neçə gündür özümü çox pis hiss edirəm, gecə-gündüz həkimlər başımın üstündə, xəstəlik günbəgün irəliləyir, halım çox dəyişib. Müalicə etməyə və ağır kimyaterapiyalara dözməyə taqətim qalmayıb. Hələ qabaqda ağır transplantasiya var. Dünən burada dostlarımla vidalaşdım...”
Aparıcı onu ziyarət edən dostlarına xüsusi təşəkkür edib.
Hacı Nuran limfaqranulematoz xəstəliyindən (ağciyər xərçəngi) əziyyət çəkir.
Bir müddət öncə tam müalicə olunaraq, vətənə dönən Hacı Nuran çox keçmədi ki, səhhətindən dolayı yenidən müalicəsini davam etdirməli oldu. Halbuki, almaniyalı həkimlər onun tamamilə sağaldığını bildimişdilər.
Xatırladaq ki, uzun illər ərzində Hacı Nuran Hüseynov televiziyada xeyriyyə proqramlarının aparıcısı olub. Onun bu fəaliyyəti sayəsində çoxlu sayda insan yardım alıb.
