17:33 çərşənbə, 19 Sentyabr 2018
MƏDƏNİYYƏT

"Xəstəliklə mübarizə aparıram" - Ramiz Əzizbəyli

16:10, 30.05.20185672
Uzun müddətdir ki, xəstəlikdən əziyyət çəkən Xalq artisti Ramiz Əzizbəylinin müalicəsi ev şəraitində davam edir.

AZXEBER.COM yenicag.az-a istinadən məlumat verir ki, aktyor xəstəliyə sinə gəldiyini deyib:

"Daim həkim nəzarətindəyəm, müalicələrim davam edir. Nitqimdə problemlər aradan qalxıb. Yaxşıyam. Amma çox darıxıram. Dostlarım üçün yox, çünki onlar məni heç darıxmağa da qoymurlar. Kino üçün çox darıxıram. Film çəkmək istəyirəm, amma onu da bilirəm ki, səhhətim əl vermədiyi üçün, bu arzumun gerçəkləşməyi mümkün deyil”.

Aktyor evdə darıxmamaq üçün serialları izlədiyini söyləyib:

"Yerli serilallara baxıram, maşallah, ”ağız-burnunu” düzəldiblər (gülür). Zəifləri də var, ortababları da. Amma yavaş-yavaş düzələcək. Azərbaycanda serial bazarı yenidir”.
XƏBƏR LENTİ