Bu gün Bakı Ağır Cinayətlər Məhkəməsində ötən il mayın 19-da Binəqədidə baş verən yanğına səbəb olmaqda təqsirləndirilən Miryusif Mahmudov və digərlərinin cinayət işi üzrə məhkəmə prosesi yekunlaşıb.
AZXCEBER.COM xəbər verir ki, prosesdə təqsirləndirilən şəxslərə hökm oxunub.
Hakim Əfqan Hacıyev yanan binanı üzləyən "Global Stone” MMC-nin təsisçisi Miryusif Mahmudovu 8, "Global Stone” MMC-nin direktoru Uğur Bəşirovu 5, direktor müavini Ələkbər Əsgərovu, Binəqədi rayon icra başçısının müavini Qəzənfər Novruzovu və Binəqədi İcra Hakimiyyətinin şöbə müdiri Ədalət Rəcəbovu 4, ”JEK” müdiri Nizami Orucov 3 il 6 ay müddətinə azadlıqdan məhrum edib.
"Dərnəgül Boru” Zavodunun laboratoriya rəhbəri Ağacavad Məmmədov və Səhiyyə Nazirliyinin Gigiyena və Epidemiologiya Mərkəzinin direktoru Akif Əlibəyova Cinayət Məcəlləsinin 70-ci (şərti məhrum etmə) maddəsi tətbiq olunub və onlara şərti cəza verib.
Qeyd edək ki, dövlət ittihamçısı çıxışında M.Mahmudovun 10 il, Ə.Əsgərovun 7 il, U.Bəşirovun 8 il, Q.Novruzovun 7 il, Ə.Rəcəbovun 7 il, N.Orucovun 5 il , A.Məmmədovun 5 il və A.Əlibəyovun 5 il müddətinə azadlıqdan məhrum edilməsini istəyib.
