Ay bütün günü Oğlaq bürcündə səyahət edəcək.
AZXEBER.COM xəbər verir ki, bu barədə astroloq Dinçer Güner öz sosial media hesabında paylaşım edib.
O, paylaşımda bildirib:
"Təxirə salınmış işlər, bitirilməsi gərəkən sənədlər, ediləcək telefon zəngləri... Günü planlamaq, görüləcək işlər siyahısı tərtib etmək, intizamlı hiss etmək və uzunmüddətli düşünmək üçün münasib gündür.
Səlahiyyət almaq, liderlik göstərmək, qərarları qətiyyətlə vermək bu gün daha asan ola bilər. Ünsiyyət daha rəsmi, məsafəli və ciddi xarakter daşıyar. Gələcək, status və karyera məsələləri daha çox ağlını məşğul edə bilər. Maliyyə məsələlərində də daha ehtiyatlı və məntiqli davranılır.
Yarımçıq qalmış layihələri tamamlamaq, rəhbərinlə ciddi bir mövzunu müzakirə etmək, karyera ilə bağlı uzunmüddətli planlar qurmaq üçün əla gündür. Gecikmiş hesabları ödəmək, evi və ya ofisi qaydaya salmaq, rəsmi idarələrdəki işləri yoluna qoymaq kimi konkret və praktik işlər üçün də mükəmməl vaxtdır.
Pəhrizə başlamaq, idmana yazılmaq və ya müntəzəm iş rejimi qurmaq üçün lazım olan iradəni bu gün özündə daha asan tapa bilərsən".
Oksana
