Bu gün axşam saatlarında Yasamal rayonu ərazisində qadın meyidi tapılıb.
Tağı Şahbazi küçəsi ev 102a, mənzil 10-da yaşayan 77 yaşlı Zinaida Dimitriyevnanın telefonlara cavab verməməsi qonşularda şübhə yaradıb. Bu barədə Fövqəladə Hallar Nazirliyinə məlumat verilib. Əraziyə gələn xilasedicilər mənzilin qapısını sındıraraq içəri daxil olublar və bu zaman ahıl yaşlı qadının meyiti divanda yatdığı yerdə aşkar edilib. Rayon polis idarəsinin və prokurorluluğunun nümayəndələri də sonradan hadisə yerinə cəlb edilib. Müayinə zamanı mərhumun ürəktutması nəticəsində dünyasını dəyişdiyi məlum olub. Faktla bağlı araşdırmalar davam etdirilir.
