Yunanıstan prokurorluğu Afina Universitetinin hüquq fakültəsində Fələstinə dəstək nümayişinə qatılan 9 Avropa vətəndaşının deportasiya edilməsini istəyib.
AZXEBER.COM xarici mətbuata istinadən xəbər verir ki, hadisəylə əlaqədar vəkil İota Masuridu açıqlama verib və ümumi məlumat verib.
"Tələbələr saxlandıqdan sonra onların ictimai təhlükəsizliyə təhlükə törətdiyi əsas götürülərək, onların saxlanması və deportasiya edilməsi barədə göstəriş verilib. Onlar hazırda Amiqdaleza İmmiqrasiya Mərkəzində saxlanılır", - Masuridu bildirib.
İctimai əmlaka zərər vurmaqda və məşəldən istifadə etməkdə günahlandırılan ingilis, fransız, italyan, ispan və alman vətəndaşlarının mayın 28-də hakim qarşısına çıxacağını bildirən Masuridu həm həbsə, həm də prokurorun deportasiyasına etiraz edəcəklərini bildirib.
Masuridu tələbələrinin Fələstinə dəstək aksiyasının sırf simvolik olduğunu vurğulayıb.
Universitetin aksiya ilə bağlı heç bir şikayət etmədiyini qeyd edən Masuridu "Aksiya hüquqi siyasi etiraz çərçivəsində olub. Bütün ölkələrin vətəndaşlarının hökumətlərə dayandırmaları üçün təzyiq etmək hüququ var. Qəzzada qan tökülməsi tamamilə hüquqi və etik bir hüquqdur”.
Qeyd edək ki, mayın 13-də Afina Universitetinin qarşısında ölkədəki tələbə birliklərinin çağırışı ilə keçirilən nümayişdə Fələstinə dəstək mesajı verilib.
Gecə boyu davam edən aksiyada tələbələr universitetdə məskunlaşıblar.
Mayın 14-də polis məktəbə daxil olub və aksiya keçirən 28 nəfəri saxlayıb.
Mikayıl
