Yunanıstanın müdafiə naziri Nikolaos Dendias Türkiyənin PUA sahəsində çox irəlilədiyi bildirib.
AZXEBER.COM xarici mediaya istinadən xəbər verir ki, Türkiyənin PUA texnologiyasındakı boşluğuna diqqət çəkən Dendias boşluğu aradan qaldırmaq üçün sürətlə çalışacaqlarını vurğulayıb.
Geridə qaldıqlarını ifadə edən Dendias deyib: "Ətrafımızda üç müharibə var, ona görə də Yunanıstan bütün ehtimallara hazır olmalıdır. Bu boşluğu aradan qaldırmaq üçün sürətlə çalışacağıq. Pilotsuz uçuş aparatları və dron əleyhinə sistemlər sahəsində texnoloji inkişafın qlobal səviyyədə müharibələrin formasını dəyişdiyi danılmazdır. Ermənistana son səfərim zamanı onların müasir döyüş meydanında istifadəsi haqqında geniş məlumat əldə etdim. Fərqi aradan qaldırmaq üçün çalışacağıq”.
Yunanıstanın müdafiə naziri ölkə olaraq bu texnologiyaların əhəmiyyətindən xəbərdar olduqlarını bildirib və belə davam edib:
"Biz yeni ekosistem çərçivəsində bu sahədə imkanlarımızı gücləndirmək üçün fəal işləyirik”.
Ayşən
