Tanınmış müğənni Üzeyir Mehdizadə 22 iyun tarixində Nabranda konsert verəcək.
Sosial şəbəkələrdə yayılan informasiyalara görə, müğənninin konsertdən 50 min manat alacağı iddia olunur.
AZXEBER.COM məsələylə bağlı konsertin təşkilatçısı Samir Xəttabla əlaqə saxlayıb. Təşkilatçı iddiaların yalan olduğunu söyləyib:
“50 minə konsert olmaz axı. Yenə şişirdilmə qiymətlər ortaya atılır. Bunların heç birinin tutarlı bir əsası yoxdur. Üzeyirin Nabranda keçirəcəyi konsertdə nə qədər alacağını mən də dəqiq bilmirəm. Mən daha çox təşkilati işləri həll edirəm”.
Qeyd edək ki, konsert Nabrandakı istirahət mərkəzlərinin birində keçiriləcək.
