BAKU AZƏRBAYCAN
8°C
euro 1.8710
dollar 1.7010
rubl 0.0268
lirə 0.2700

Deputatlığa namizəd Könül Nurullayeva hər bir seçicisi ilə görüşmək niyyətindədir - FOTO-VİDEO

Deputatlığa namizəd Könül Nurullayeva hər bir seçicisi ilə görüşmək niyyətindədir - FOTO-VİDEO
Seçki2020
18:36 27.01.2020
3046

24 saylı Nizami 1-ci seçki dairəsindən parlament seçkilərinə namizədliyini irəli sürən Könül Nurullayeva yanvarın 25-də Nizami rayonu Elşən Süleymanov küçəsi 133, 135, 137, 137/1 və 139 saylı binaların sakinləri ilə növbəti görüşünü həmin ərazidə yerləşən mərasim evində keçirirək toplantıda çıxış edib.

Görüş zamanı K.Nurullayeva bildirib ki, yeni deputat korpusu ilə qanunverici hakimiyyətin, dövlətin qarşıya qoyduğu tapşırıqların həyata keçirilməsi nəticəsində faydalı iş əmsalı xeyli artacaq və bu da inkişafımız sürətlənməsinə təkan verəcək.

Görüşün sonunda sakinləri narahat edən müxtəlif movzular müzakirə edilib.

Könül Nurullayeva daha sonra E.Süleymanov küçəsi 139 və 57 saylı binalara baş çəkib və oradakı vətəndaşların şəraiti ilə yaxından tanış olub. Bu görüşlərdə namizəd K.Nurullayeva seçicilərin dövlətimizin gələcəyinə, islahatlara olan inamının şahidi olub. Bu, onu daha da ürəkləndirib və bir daha doğru yolda olduğuna, şərəfli bir missiya uğrunda mübarizə apardığına əminlik yaradıb.  

Daha sonra NZS qəsəbəsində Y.Səfərov və O.Vəliyev küçələrindəki mənzillərdə görüşlər keçirilib. 

Könül Nurullayeva haqqında qısa məlumat

2009-cu ildən Mili Olimpiya Komitəsinin Beynəlxalq Əlaqələr İdarəsinin rəisi vəzifəsinə təyin olunan K.Nurullayeva Azərbaycan Atletika Federasiyasının Beynəlxalq Əlaqələr şöbəsinin rəhbəri, "Bakı-2020” Olimpiya Oyunlarına namizədliklə əlaqədar yaradılmış Təşkilat Komitəsinin və "Bakı-2017” İslam Həmrəyliyi Oyunları namizədlik komitəsinin icraçı direktoru kimi beynəlxalq Olimpiya hərəkatında ən gənc xanım rəhbər olaraq adını tarixə yazıb.

O, Pekin Olimpiya oyunlarında (2008-ci il) nümayəndə heyətinin rəhbərinin köməkçisi, London Olimpiya oyunlarında (2012-ci il) Azərbaycan nümayəndə heyətinin rəhbərinin müavini, eləcə də, 2010-cu il Vankuver və 2014-cü il Soçi Qış Olimpiadalarında nümayəndə heyətinin rəhbəri olub.

K.Nurullayeva "Bakı-2015” Avropa Oyunlarının Əməliyyat Komitəsinin xüsusi məsləhətçisi və Direktorlar Şurasının üzvü olmaqla, 56 medal qazanaraq ikinci yeri tutmuş Azərbaycan nümayəndə heyətinə rəhbərlik edib.

2013-cü ildə Avropa Olimpiya Komitəsinin "Qadın və İdmanda Bərabərlik” komissiyasının üzvü seçilən K.Nurullayeva ölkəmizi Avropa Olimpiya strukturlarında təmsil edən ilk xanımdır.

2013-cü ildə Könül Nurullayeva 57 ölkənin birləşdiyi, Beynəlxalq Olimpiya Komitəsindən sonra dünyanın ikinci ən böyük idman qurumu sayılan İslam Həmrəylik İdman Federasiyasının (İHİF) İcraiyyə Komitəsinə seçilən ilk xanım nümayəndədir.

Azərbaycan Prezidenti İlham Əliyev 4-cü İslam Həmrəyliyi Oyunlarının Bakıda keçirilməsi üzrə Birinci vitse-prezident Mehriban Əliyevanın sədrliyi ilə Təşkilat Komitəsinin byaradılması haqqında sərəncam imzalayır. Könül Nurullayeva həmin Komitənin Katibi təyin edilir.

2018-ci ildə İHİF-nin nəzdində əsası qoyulan "Qadın və İdmanda gender bərabərliyi” komitəsinə rəhbər təyin olunub, İHİF tərəfindən 2021-ci ildə İstanbulda keçiriləcək 5-ci İslam Həmrəyliyi Oyunları ilə əlaqədar yaradılmış Koordinasiya Şurasına üzv seçilib.

Ailəlidir, bir övladı var.

Parlament seçkilərinə namizədliyini irəli sürən Könül Nurullayeva haqqında daha ətraflı məlumatla bu linkə daxil olaraq tanış ola bilərsiniz.


 









OXŞAR XƏBƏRLƏR