Meksikada törədilən ağılasığmaz qətl hadisəsi ölkədə rezonans doğurub.

AZXEBER.COM Milli.Az-a istinadla xəbər verir ki, Mexikoda yaşayan 46 yaşlı Erik Francisco Robledo 25 yaşlı sevgilisi Ingrid Escamilla Vargas-ı yaşadığı evdə vəhşicəsinə qətlə yetirdiyini etiraf edib.

O bildirib ki, sevgilisi ilə mübahisə yaranan zaman qız onu 3 yerindən bıçaqlayıb. Qızın əlindən bıçağı götürən Erik onun cəsədini hissələrə ayırıb, dərsini soyub, bağırsaqlarını unitaza buraxıb.

Qonşular kişinin üzü-gözünün qan içində qaldığını gördükdə polis və həkim çağırıblar.

"Biz mübahisə etdiyimiz əsnada qız məni öldürmək istədiyini dedi. Mən də bıçağı əlinə tutdurub, "öldür" dedim", - Erik polisə ifadəsində söyləyib.

"Onun əlindən bıçağı alıb qızı öldürdüm. Sonra da cəsədini parçalayıb, kanalizasiyaya atdım ki, kimsə bilməsin. Çünki çox utanırdım", - qatil davam edib.